KAPAKANANG PANLIPUNAN AT KAUNLARAN

Nakapagbigay tayo ng limang milyon pitong daan pitumpu’t apat na libo at limang daan (5,774,500) sa dalawang libo limang daan tatlumpu’t siyam (2, 539) kliyente para sa medical, burial, food, educational and transportation assistance. Nakapagbigay din tayo ng tulong pinansyal na PHP 5,000.00 sa dalawang daan siyamnapu’t siyam ( 299) na mga pamilyang namatayan ng mahal sa buhay.

Nagbigay din ng agarang tulong sa mga nawalan ng bahay sa Brgy, Ariman at Manook dahil sa demolisyon. Ang iba naman ay mga nasunugan ng bahay. Mula una hanggang ikatlong quarter ng taong 2023, nakapagtala ang MSWDO ng labing pitong (17) kliyente sa Emergency and Shelter Assistance (ESA) at nabigyan ng tig-sampung libong pisong (PHP 10,000) pinansiyal na tulong mula sa pondo ng ating munisipyo. 

Noong nakarang taon namahagi rin tayo ng year-end ayuda na PHP 5000 sa mga LGBTQ na nakatatanda, gayundin sa mga regular na tindero at tindera ng ating palengke, at sa mga nagtatrabaho sa barbershop at sa mga salon.

Upang mas mapadali para sa mga humihingi ng tulong, inilipat na rin natin ang opisina ng MSWDO sa ground floor ng ating municipal hall building. Ngayon hindi na kailangang magpalipat-lipat pa ng building ang humihingi ng tulong sa ating MSWDO.